Ele Manave Hari Dhyanava Madu | Sri Purandara Dasaru

Composer : Sri Purandara Dasaru
Ankita : Purandara Vittala
Ref : Haridasa Vahini Feb 2003 Issue

ಎಲೆ ಮನವೆ ಹರಿ ಧ್ಯಾನವ ಮಾಡು || PA ||

ಎಲೆ ಜಿಹ್ವೆ ಕೇಳು ಕೇಶವನ ಗುಣಗಳ ನುತಿಸು
ಎಲೆ ಮನವೆ ಮುರವೈರಿಯಂಘ್ರಿಗಳ ಭಜಿಸು
ಎಲೆಲೆ ಕರಗಳಿರ ಶ್ರೀಧರನ ಸೇವೆಯ ಮಾಡಿ
ಎಲೆ ಕರ್ಣಗಳಿರ ಅಚ್ಯುತನ ಕಥೆ ಕೇಳಿ || 1 ||

ಎಲೆ ನೇತ್ರಗಳಿರ ಶ್ರೀಕೃಷ್ಣಮೂರ್ತಿಯ ನೋಡಿ
ಎಲೆ ಪಾದಗಳಿರ ಹರಿಯಾತ್ರೆಯನೆ ಮಾಡಿ
ಎಲೆ ನಾಸಿಕವೆ ಮುಕುಂದನ ಚರಣಕರ್ಪಿಸಿದ
ತುಲಸಿ ಪರಿಮಳವನಾಘ್ರಾಣಿಸು ಅನುದಿನವು || 2 ||

ಎಲೆ ಶಿರವೆ ನೀ ಕೇಳಧೋಕ್ಷಜನ ಸಿರಿಚರಣ
ಜಲರುಹದೊಳಳಿಯಂತೆ ಬಿಡದೆ ಓಲ್ಯಾಡು
ಎಲೆ ತನುವೆ ನೀನು ಶ್ರೀಪುರಂದರವಿಠ್ಠಲನ
ಸಲೆ ಭಕುತ ಜನರ ಸಂಗತಿಯಲ್ಲಿ ಬಾಳು || 3 ||

ele manave hari dhyanava madu || PA ||

ele jihve kelu kesavana gunagala nutisu
ele manave muravairiyanghrigala bhajisu
elele karagalira sridharana seveya madi
ele karnagalira acyutana kathe keli || 1 ||

ele netragalira srikrsnamurtiya nodi
ele padagalira hariyatreyane madi
ele nasikave mukundana caranakarpisida
tulasi parimalavanaghranisu anudinavu || 2 ||

ele sirave ni keladhoksajana siricarana
jalaruhadolaliyante bidade olyadu
ele tanuve ninu sripurandaraviththalana
sale bhakuta janara sangatiyalli balu || 3 ||